Atttssjúúú...

Hiti, hálsbólga og kvef.is í mesta veldi er afleiðing fjallgöngu og ræktarskopps eða svona næstum því;)

Lagðist í rúmið hundveik eftir Esjugöngu og nú viku síðar komin á sýklalyf þar sem ennisholusýkingareitthvaðdót er mætt á svæðið. Búin að ganga ansi langt á wcpappírsbirgðar Vesturtúns og fleiri staða undanfarna daga. Yndislega skemmtilegt í orlofi.

Orlofstíma í borginni að ljúka og flogið austur í fyrramálið. Esjan, Menningarnótt, Laugarvatn, Stubbó og allar búðaferðirnar og fótboltastússið...tékk, tékk, tékk... Þá er bara hrista af sér kvefið og ógeðið og hefjast handa við að taka upp úr kössum og vinna í húsinu fram að næsta orlofi sem hefst 6. september með Skotlandsför...eins gott að græna slímið verði farið þá ojoj...:)

Bless í bili.

Esjan og ræktin

Í dag fórum við Junior upp á Esjuna já takk fyrir kærlega! Ekki alveg á toppinn en alveg nógu langt (3 tímar ) til að fá næstum blöðrur á fætur og fjólublátt andlit! Ótrúlega dugleg bæði tvö en fannst leiðin þó heldur brattari en blessað Stöðvarskarðið og það voru 6 tímar! Svaðalega hlýtt úti í dag og sluppum við rigningu og alles, smá þoka efst uppi. Esjan var á bucket listanum, aldrei farið og get núna strikað það út:)

Í gær var svo skoppast í tíma í Hress. Eins gott að hafa smá hreyfingu með öllu gotteríinu sem maður borðar í sumarfríi;)

Stefnan er tekin aftur á Laugarvatn í 1-2 nætur þar sem veðurspáin er góð, rigndi heldur mikið um síðustu helgi. 2 leikir eftir hjá Junior í Íslandsmóti og svo Stubbakot á mánudaginn með mömmu.

Best að láta staðar numið núna svo tengdó klári nú ekki allar lakkríssprengjurnar - bless í bili:)

Hálfnuð..

Jæja - þá er sumarfrí frúarinnar hálfnað. Tvær vikur eftir sem skiptast nokkuð bróðurlega á milli höfuðborgarsvæðisins og Austurlandsins.

Helginni var eytt að  mestum hluta í grenjandi rigningu á Laugarvatni. Frúin gat þó klárað nýjustu bókina, Hunger games og þarf víst að fjárfesta í framhaldinu til að lesa meira. Dagarnir þar á undan fóru m.a. í að þræða allar hardware búðir borgarinnar..Byko, Húsó, Bauhaus og margar aðrar sem eru minni.

Bóndinn flýgur austur í kvöld og bíður spenntur eftir að komast í húsið og byrja að setja upp skrautlista, flísaleggja, mála innréttingar og fleira spennandi.

Á meðan verðum við Junior fyrir sunnan þar sem klára þarf nokkra leiki í Íslandsmótinu í fótbóó, fara í Stubbó með mömmu, skoða gardínuefni, mögulega fara aftur í Ikea ( nýi listinn er alveg að koma!!!), menningarnótt, labb á Esjuna ef veðrið fer að skána og margt fleira.

Svo tekur við skemmtileg síðasta vika í orlofi sem fer í decoratation vinnu í nýja húsinu, mála meira og skreyta og gera fínt. Er komin með dellu fyrir allt sem heitir hvítt, gamaldags og romance hönnun á heimilum. Reyndar ekki nýtt, alltaf verið stíllinn en föst í brúna-sveita lúkkinu sl. áratug og nú verður aðeins létt á lúkkinu og breytt til þar sem fjárfest var í fasteign, án þess þó að húsið líti út eins og hvít einangrunarstöð;)

Nýtt æði er t.d. að nota Eurobretti - vörubretti sem maður sér um allar trissur..í búðum þar sem vörur eru geymdar á, úti við hús og þá aðallega hjá fyrirtækum. Búin að rekast á margar síður, íslenskar og erlendar sem sýna sniðugar hugmyndir. Miðað við öll brettin sem frúin hefur séð á Reyðarfirði er eflaust hægt að fá 1-2 stk. án endurgjalds og hægt að breyta í hillu eða borð eða botn fyrir rúm...fullt af hugmyndum:)

Skrítið samt að vera í sumarfríi í ágústmánuði. Búðirnar farnar að auglýsa "Skólavörur" og "Haustlínan komin í hús"! Á að banna svona fram í tímann hugsunarhátt fyrir okkur greyin sem fórum seint í sumarfrí þetta árið - ekkert ósvipað jólaumræðunni mörgum mánuðum of fljótt;)

Frúin er líka búin að föndra aðeins í útlitinu á síðunni ef einhver nennir að lesa eða kíkir hér inn. Þarf eitthvað að gera í gestabókinni svo allir geti skrifað, ekki bara google aðgangsfólk. Hefði átt að taka betur eftir í tölvunarfræðitímum í menntó í den...;)

Jæja, best að athuga hvort ekki sé hægt að hlaða meiri farangri á bóndann og vona að flugvélin beri það nú allt saman - góðar stundir:)

Sumarfrí!!!!!!!!!

Loksins komst frúin í sumarfrí:)

Öll familían stödd í góðu yfirlæti í bongóblíðu á Álftanesinu fagra. Húsaskil og þrif á leiguhúsnæði yfirstaðin og frúin var alveg uppgefin þegar fríið hófst í borginni. Framundan eru dásemdardagar og heimför aftur astur í fjöllin einhvern tíma seinna...

Rapport síðar - gleðilega verslunarmannahelgi :)

Skúra, skrúbba en alls ekki bóna

Jæja - nú er búið að flytja öll stór húsgögn upp í nýja húsið. Á bara eftir að fara með smádót og föt og þá er allt komið.

Þeir bræður (Ingólfur og Heimir) voru svo duglegir sl. mánudag að þeir fluttu þetta allt saman tveir á Subaronum hans Heimis og snjósleðakerran sem bóndinn smíðaði um árið var svo notuð til að ferja stóra dótið. Svo söngluðu þeir stanslaust. Semsagt engin flutningabíll kom við sögu þessara flutninga:)

Loftið á gangi og stofu sem var glansandi viðarpanell er orðið svona fallega hvítt, forstofan máluð og svefnherbergið orðið væmnislega fljólublábleikt. Málningarvinnan heldur svo áfram eftir sumarfrí.

Myndir koma inn síðar þar sem nettenging er ekki til staðar í húsunum þessa dagana.

Bóndinn er farin suður að fylgjast með Junior á Rey Cup mótinu sem er í gangi í Laugardalnum fram yfir helgina. Eftir situr frúin með ágætis verkefni: að klára að tæma leiguhúsnæðið og þrífa eitt stk. 150 fm. all by her lonesome! Reyndar búin með helming og blessað eldhúsið, það er nú alltaf verst og þá sérstaklega ofninn!

Sól og blíða en engin Bræðsla eða Franskir dagar þessa helgina heldur stórhátíðin Þrif og skil:)

Knús og góðar stundir.