Sunnudagur enn á ný

Sunnudagur mættur enn og aftur, með tilheyrandi þvotti, leti, húsverkum og meiri leti. Klægjar í puttana að breyta og endurraða hér. Þá er ágætt að leika sér aðeins með það sem er til, smella af myndum og sjá hvernig kemur út.

 

Þetta blessaða hjarta er á smá flakki en endar alltaf á baðherberginu til að fylla upp í rýmið þar. Hægt að planta því reyndar hér og þar. Litla Voluspa kertið ferðast líka vítt og breitt og leitar að föstum dvalarstað í húsinu.

 

Flökkuhjartað

 

 

En svona til upprifjunar þá var baðherbergið einu sinni svona...

 

 

Og svona...

 

 

Breyttist svo í þetta hér

 

 

Og núna er það svona

 

 

 

 

Eigið góðan sunnudag :)

Örpóstur eftir annasama viku

Vinnudagarnir hafa verið langir þessa vikuna og nóg að gera. Því komst ekkert blogg að en bæti úr því síðar. Smellti þó nokkrum myndum af yndislega kertinu sem bættist í flóruna frá versluninni Heimshornið sem má finna á Facebook....lyktin svo góð :)

Svo fást nú stundum blóm og túlípanar í búðinni og ég reyni að hafa reglulega blóm í vasa við myndina af fallega englinum mínum.

 

 

Kertið bara alveg í stíl við Herra Litla pínkuponsu Omaggio krúsina...þetta á nú ekki að breytast í merkjasnobbablogg en það er gaman að blanda einstaka dýrari hlut saman inn á milli Mister Ikea og Góða Hirðisins.

 

 

 

Framundan er Þorrablót Reyðfirðinga, eitt það skemmtilegasta sem sögur fara af. Því er best að haska sér í gang og undirbúa andlitssparslið og kíttisspaðana, krulla hárið og troða sér í kjól. Njótið kvöldsins og helgarinnar kæru vinir og gleðilegan bóndadag :)

Skólastúss á sunnudegi

Er að mana mig upp í lærdóm þennan sunnudaginn. Síðasti kúrsinn í hinu stórkostlega skemmtilega (lesist með kaldhæðni) diplómanámi í opinberri stjórnsýslu við Stjórnmálafræðideild Háskóla Íslands...úff andaðist aðeins úr leiðindum við að skrifa þetta upphátt;)

Síðasti kúrsinn og þá verður þessi blessaða diplómagráða í höfn í vor.
Stjórnsýsluréttur....gaman, gaman ;) Svo þarf "bara" klára meistaragráðu annað hvort í þessu fagi eða auðvitað í félagsráðgjöfinni. Eeeen það er seinnitíma mál. Ég er hinsvegar mjög hlynnt því að læra og bæta við sig einhvers konar þekkingu ef við mögulega getum. Þetta árið verður stefnan einnig sett á meiri sjálfsrækt og huglægari áhugamál í takt við að læra að lifa svolítið upp á nýtt eftir miklar og erfiðar breytingar.

Er búin að vera arfalöt í framkvæmdum. Kommóðan sem ég sýndi ykkur um daginn stendur enn á sama stað niðri í stigahúsi. Sama gildir um nokkra spegla og hálfkláraða Heima-Skrifstofu-Office herbergið. Er bara ekki með nennuna þessa dagana í miklar framkvæmdir og málningardúll en það kemur, kemur allt saman.

Ný vika framundan, áframhaldandi hopp og skopp tímar og þorrablót ársins í vikulok. Hér er alltaf nóg að gera en staðreyndin er sú að félagslífið mitt er mun virkara hér en það var í bænum. Sakna þó borgarinnar minnar. Hef ekki farið suður síðan í nóvember og fer eflaust ekki aftur fyrr en í febrúar, það er held ég heimsmet á Austfjarðapúkamælikvarða...vonandi rata ég ennþá í Ikea;)

Vetur og snjór

Það er ekkert allt á kafi en það er snjór. Nóg af honum og kalt með. Þennan mánuð í fyrra rigndi stanslaust nánast alla daga og þá var vel svart úti, þá er nú snjórinn betri.

 

 

 



 

Svo bætir stundum í vindinn og þá sést ekki í fjöllinn eða fjörðinn út um eldhúsgluggann.

 

 

En svo stytta élinn upp um síðir og þá er útsýnis aldeilis fallegt. Eftir tæpan mánuð mun sólin ná að skríða þarna yfir fjöllin og senda nokkra geisla hingað yfir bæinn. Hér á Reyðarfirði fer sólin í nóvember og kemur ekki aftur fyrr en í febrúar, þannig að skugginn er langur og því er ómissandi að eiga 5.376 kerti!

Fyrir áhugasama þá heitir fjallið Hádegisfjall en það á ég eftir að klífa :)

 

 

 

Eigið góða helgi kæru vinir hvar sem þið eruð stödd.

 

Rútínan er hafin...svona næstum því

Er byrjuð að sprikla aftur - í hóptímum á morgnana. Reyndar er bara einn tími búin en það tekur það enginn af manni :) Er týpan sem myndi ekki hreyfa mig ef ég þyrfti þess ekki. Fór aldrei handarhlaup í grunnskóla og stóð með hendur í vösum í íþróttatímum í menntó, er týpan sem kemst rétt á milli ljósastaura í hlaupi og hleyp þar af leiðandi ekki heldur "Labbi-Skokka" ég. Hreyfing hefur þó hjálpað mér, sérstaklega á erfiðu ári. Lyfta, púla og upplifa sig bara svolítið duglega að dröslast af stað...engar áhyggjur þetta mun ekki breytast í Hreyfingarblogg, aðrir sjá um það og gera það líka betur :)

 

Ég vona að einhver ykkar hafi útbúið sér krukku eins og ég talaði um í fyrri pósti og skrifi niður góðar minningar á litla miða og varðveiti. Eitthvað jákvætt á venjulegum og hversdagslegum degi.

Rakst á þetta dásamlega skjal sem ein flott kona sem ég þekki var að deila. Hvet ykkur til að kíkja á þetta :)

Þvottafjallið er enn í vinnslu, hálfnuð á toppinn ;) Þangað til þarf að úthugsa hvort þessi hér geti átt hlutverk á Heima-Vinnu-Office herberginu...oh júú hún mun fá makeover!

 

Takk fyrir innlitið kæru vinir og fyrir að gefa ykkur tíma til að kíkja hér við :)

Smábrot á sunnudegi

af nokkrum uppstillingum hér innanhúss. Jú þvottavélin er í gangi, restin af jólakössum er komin niður. Verkefnalistinn þar með upptalinn? Nei ekki alveg en það liggur bara ekkert á. Fyrsta vinnuvikan liðinn á nýju ári og rútínan að taka á sig mynd.

 



 

Hann sómir sér vel litla Omaggio krúttið innan um kertaljósin á þessum rólega sunnudegi. Sunnudagar sem orðið einkennast af leti eða hljóðinu í fótboltaleik dagsins úr imbakassanum eða þvottavélinni.

 

Stjörnur fá að vera áfram og einstaka hreindýr eða könglar. Þetta flokkast víst undir "vetrarskraut" skv. sérlegum fróðleiksmolum um svona innanhússskreytingamál :)

 

 

 

 

Fékk þetta borð gefins og langar alveg óskaplega mikið að mála það hvítt en hef haldið að mér höndum. Það er fallegt eins og það er og brýtur líka upp rýmið en aldrei að vita, kannski verður það hvíttað síðar, kannski ekki.

 





Takk fyrir innlitið kæru púkavinir :)

Leti í framkvæmdum

Búið að taka svo á að eiga heila vinnuviku eftir langt og gott letijólafrí þannig að úr verður smá verkstol. En það er víst nóg af þvotti sem þarf að þvo þessa helgina, þvotturinn virðist aldrei komast í frí ;)

Eigið ljúfan laugardag kæru vinir :)

Gömul hurð

sem átti að henda fékk nýja eigendur og nýtt hlutverk.

 

 

Hún var "fallega" sjúskuð en þurfti þó smá lagfæringar og málningu. Ræðst mögulega á hana með meiri sandpappír svo hún fái aðeins grófara útlit.

 

 

 

 

Var hvít en máluð myntugræn sem virðist í fljótu bragði líka vera hvít á litinn

 

 

 

Skelltum henni upp á vegg í heima-skrifstofu-herberginu sem er í vinnslu og smá fegrun.

 



 

Liturinn sést betur á mótri hvítri hurð og listum

 

 

Heljarinnar korktafla í vinnslu sem má einnig hengja myndir á :) Má nota svona hurð á marga vegu td. sem rúmgafl, borð, stensla á hana orð eða mynstur og svo mætti lengi telja. Við byrjum amk. á korktöflunýtingu.

 

 

Meira síðar - takk fyrir innlitið púkavinir :)

Fyllt á hamingjukrukkuna

 

Við fórum í Hallormsstað í dag. Vopnuð dásamlegu myndavélinni minni sem ég fékk í "ekki-afmælisgjöf" frá bóndanum. Lukt og kerti og fallegt umhverfi. Það hefur sína kosti að búa nærri svona fallegri náttúru. Við hjónaleysin skiptumst á að smella af.

 

 

Zelda er ávallt góð fyrirsæta.

 

 

 

 

 

Prinsinn okkar

 

 

Ævintýraskógur

 

 

 

Stílistinn minn :)

 

 

Feðgarnir

 

 

 

 

Þegar bóndinn tók græjuna mína þá notaði ég bara símann

 

 

 

Vona þið eigið ljúfa helgi framundan. Hér eru jólin smám saman að tínast ofan í kassa. Aðeins að hreinsa til. Humarsúpa í pottinum og áframhaldandi rólegheit.

 

Knús til ykkar kæru Púkavinir :)