Kertaföndur með office kellum

Frúin er svo heppin að vinna með einstaklega skemmtilegum kellum á The Office. Eftir vinnu í dag skelltum við okkur saman á Stöðvarfjörð á Kaffi Stein. Þar tók hún Guðný á móti okkur og var með fullan sal af alls konar föndurdóti fyrir kertaskreytingar, myndir, límmiða, glimmer, borða og svo auðvitað límið sem enn situr fast á fingrunum þegar þetta er hamrað inn á tölvuskjáinn.

Frúin kann ekki að prjóna, ekki að hekla, teiknar hræðilega og málar enn verra. Er hins vegar nokkuð flink í andlitsmálningu aka make up á eigins fési en þar stoppar nú listagenið. Finnst þó gaman að föndra ef það er nógu basic og einfalt fyrir frúna sem eyddi öllum stundum í fatasaum í menntó að rekja upp allar buxurnar og pilsin...minnir að kennarinn hafi saumað þetta allt á endanum;)

Kvöldið var s.s. frábært, skemmtum okkur ægilega vel, hlustuðum á jólalög, fengum dásamlega súpu og salat og svo rjóma-sultu-kramarhús í eftirétt...úff þetta endar illa.

Hér koma myndir af afurðum kvöldsins - 3 kerti ( sjá mynd að ofan ). Kertið efst til vinstri var keypt alltof dýru verði í fínni búð í borginni. Hin þrjú sem frúin föndraði sjálf kostuðu öll jafnmikið ef ekki minna með efni og alles;)

Og svo smá silfursamsetning á bakkanum í eldhúsinu...

 

Kertaklikkun - I know;) Knús frá Ausfjarðapúkum.

Aðventa í eldhúsinu

Aðventan er víst að fara af stað um komandi helgi. Haustið kom og það er bara farið, jólaundirbúningur er að hefjast! Var einstaklega mikið jólabarn, fékk í skóinn til 16 ára aldurs og súkkulaðidagatal til 18 ára ef ekki lengur;) Svo kom smá Grinch í frúna sl. ár með löngum vinnudögum, skólastússi og tímaleysi. Er algjörlega á móti því að tala um jól í október en það er bara skoðun frúarinnar. Hins vegar hefur eitthvað gerst eftir búsetu hingað í fjöllinn og jólastúss smám saman að byrja fyrr.

 

Fjárfesti í alls kyns jólasmotterídóti í borginni núna í nóvember, þessi má nú reyndar hanga uppi eftir desember, þannig séð ekki merktur jólum;)

 

 

 

 

 

Jólagluggarnir eru s.s. komnir upp. Þeir koma frá mömmu en voru nú reyndar alltaf rauðir á mínu heimili í den þegar frúin var yngri. Mamma framseldi þá til dótturinnar fyrir 2 jólum síðan og fékk þá svona hvíta og fína - passa vel í hvíta æðið enda er frúin með ofnæmi fyrir öllu sem er rautt, nema kannski hárinu;) Einu skiptin sem eitthvað rautt er innanhúss þá er það í kringum jól, annars bara no no.

 

 

Gluggarnir eru tveir, vantar nú heilmynd af hinum - þeir koma í stað þess að hafa gardínur fyrir þessi jól, græja þær eftir áramót. Hér sjáið þið fallegu grænu marmaragluggakistuna í eldhúsinu;) Í stofunni er þær svo bláar!

 

 

 

 

Bless í bili - knús frá Austfjarðapúkunum:)

Hnífurinn á háaloftinu

Það er háaloft í Southfork. Þessi hnífur, vel ryðgaður fannst þar við eftirlitsskoðun bóndans. Megið láta Arnald Indriða eða Yrsu vita ef þau vilja skrifa eitthvað um það;)

Eftir allar hryllingsmyndirnar sem frúin hefur séð sem og mjög takmarkað geðslag, þá er ekki sjens að farið verði þarna upp.

Bóndinn skellti sér hins vegar upp, ok klöngraðist upp stigann sem við junior héldum fast í;) Ástæða ferðalagsins var sú að fara upp og tengja/aftengja...æi það hafði eitthvað með snúrur að gera!

Svona lítur háaloftið í Southfork út ef einhver vill kíkja í heimsókn, nóg svefnpláss!!!

"Hurðin" að háaloftinu er staðsett í panelherberginu okkar. Þar er ljómandi fínn t-mömmubekkur eins og bóndinn kallar hann. Panelherbergið verður skrifstofa í framtíðinni, þangað til er það nákvæmlega eins og á þessari mynd flesta daga og fullt af dóti, mínus eitt stk. krakkagemlingur klifrandi í stiga.

Góðar stundir..knús frá Austfjarðapúkum;)

Stofan og dúllusófinn

Austfjarðapúkar komu aftur heim í gær eftir rúmlega vikudvöl í bænum. Við áttum góðan tíma með fólkinu okkar enda er það fjölskyldan og þau sem við höfum í kringum okkur sem skiptir mestu máli.

Mannskepnan er nú samt þannig úr garði gerð að aðrir hlutar skipta líka máli, mismiklu þó.

Hjá okkur þessa dagana og misserin virðist mest athyglin fá blessaði Southfork okkar eins og þetta blogg fjallar víst um að mestu! Verkefnin eru endalaus, bóndinn heldur áfram að smíða á meðan að frúin heldur áfram að skreyta, meira að segja er búið að útbúa aðventu"krans" (í næsta bloggi) og gera eldhúsið aðeins meira jóló, í nóvember takk fyrir pent! Hvað er eiginlega í gangi?

En frúna grunar að það frábæra fólk sem nennir að kíkja hér vilji nú frekar fá einhverjar myndir af framkvæmdum í stað endalaust skrifa-blaður í frúnni en það fylgir ef þið viljið myndir - spurning að skoða stofuna núna ef þið hafið áhuga?

Hér koma nokkrar myndir af því hvernig stofan var, meðan á málningarvinnu stóð og svona...

 

 

Þið takið kannski eftir því að loftin voru svona skemmtilega panel-viðar-sumarbúðstaðalega ljósbrún. Alls ekki ljótt svo enginn móðgist nú en með því að mála loftið hvítt þá bara varð þetta ennþá fínna;)

 

 

 

 

Hér var bóndinn byrjaður að mála loftið hvítt..

 

Tók ekki nema 4-5 umferðir til að bóndinn yrði sáttur

Svo málaði frúin tvo veggi í stofunni blágráa áður en farið var suður í langþráð sumarfrí

 

Stofan var kannski ekki svona alla daga, en nánast flesta. Gamla leðursófasettið fittaði bara ekki þarna inn og draumurinn var að útbúa tv-room sem nú er orðið að veruleika og verður birt fljótlega:)

 

 

Ætla því að kynna nýju stofuna fyrir ykkur þar sem blúndudúllusófasett konu frændans spilar aðalhlutverk...

Bóndinn málaði borðplötuna hvíta en restin brúnbæsuð eins og borðið var. Og komið smá jólajóla...alveg að missa það bara

 

Jólaklikk í nóvember, búin að taka út af bakkanum og bæta við..

 

 

Á heimilinu er enginn skenkur eða stór og fallegur glerskápur. Þannig að til þess að poppa aðeins upp vegginn fyrir aftan minni sófann var fjárfest í hillu og festingum úr Bauhaus (hugmynd bóndans, verður að koma fram..) Tilgangur hillunnar fyrst og fremst til að svala skraut- og kertaþörf frúarinnar múhaha...

Sá svona kertahús á bloggsíðu sem ég skoða alltof oft þessa dagana og varð agalega kát að finna þessi tvö í Fjarðarkaup;) Aðventuskreytingin er svo gjöf frá Birtu og pabba fyrir nokkrum árum..

 

Eru þau ekki sæt og fín?:)

 

 

Málverkið er svo að sjálfsögðu vatnslistamynd eftir flakkaramömmu frúarinnar

 

Svona er svo borðstofurýmið, myndir, hillur og annað skraut þarna kemur síðar, því eins og þið vitið krakkar mínir þá gerist ekki allt í einu. Sama gildir með aðrar gardínur í stofuna;)

 

 

Hvað segið þið - er stófan ekki bara þokkalega hugguleg svona? Spurning um að henda svo inn smá jólajóla því í eldhúsinu hanga litlir gluggar, sjáið glitta í þá þarna;)

 

Þangað til næst - knús frá Austfjarðapúkum :)

.....

Austfjarðapúkar eru staddir á Álftanesinu og verða næstu dagana vegna fráfalls elskulegra ástvina, Ingó afa bóndans og Óskars frænda frúarinnar.  Þangað til næst verið góð við hvert annað - knús.

Vetur

                                                         
Dagatalið segir byrjun nóvember sem í mínum kokkabókum flokkast enn undir haust, mögulega seinna haust;)

Hér á Reyðarfirði hefur hins vegar enginn þurft að gera annað en að líta út um gluggann til þess að átta sig á einu - það er komin vetur. Reyndar sást ekki út um gluggana fyrir viku síðan! Það var bara kósý, þá fengu nágrannarnir frið enda ekki komnar gardínur í eldhúsið.

Frúin lærði þó fljótt að hér kemur snjórinn, fer, kemur aftur og þetta endurtekur sig nokkrum sinnum þar til þetta hvíta festist alveg...finnst þó alveg nóg um núna og tel þetta vera aðeins í fyrri kantinum! Hins vegar þegar búsetan er í Austfirsku ölpunum þá bara fylgir þetta;)

Bíllinn er komin með nagladekk enda ekki annað í boði þar sem Southfork stendur ofarlega í bænum við langa götu sem kellan átti í góðri glímu við áður en dekkinn komust í vetrarbúning...úff ekki gaman!

Skólahald var fellt niður fyrir viku og frúin komst ekki í vinnu sökum ófærðar. Held það hafi ekki gerst síðan 199og eitthvað að slíkt hafi gerst hér á Reyðarfirði (ath. heimild ekki staðfest, innfæddir bara leiðrétti mig). Svona var umhorfs úti þann daginn, ljósin tilheyra bíl sem gerði heiðarlega tilraun til aksturs, festist á núll einni;)

Þessi mynd hér að neðan var tekin að kvöldi til, ljósin á myndinni eru útiljósin á húsi nágrannans, jább það er hús þarna!

En þetta gekk sem betur fer yfir, rigndi ofan í þetta þannig að garðurinn varð aftur nánast grænn, það sást amk. í grasið! Svo snjóaði aftur þannig nú er ekkert gras lengur sjáanlegt.

Framkvæmdir eru í fullum gangi hjá Bónda og Frænda. Sjónvarpsherbergi verður vonandi fljótlega að veruleika og þá er hægt að taka umbúðirnar utan af hvíta dúllusófasettinu sem var fjárfest í af konu Frændans, ótrúlega smekksamt fólk:)

Fer að skella inn nokkrum framkvæmdamyndum, sumar þarf mögulega að ritskoða;)

Þangað til að vorar þá notar frúin tækifæri og maxar upp kertafetishið, aldrei hægt að eiga nóg af kertum þegar úti er veður vont;)

Þangað til næst, Knús í bili - Austfjarðapúkar.