Sjáumst síðar...

www.pinterest.com

 

Púkarnir eru farnir á flakk...bara innanlands amk. í þessari lotu. Hlakka mikið til að komast á Laugarvatnið yndislega og hitta gamla bátinn og nýju árarnar...mótorinn er víst utan þjónustusvæðis.

 

Mest gaman og yndislegast verður þó að taka á móti Junior í Leifsstöð og knúsa enda drengurinn verið fjarri okkur í allt sumar.

 

Knús knús í bili - sjáumst aftur í ágúst:)

 

 

 



Baðherbergissýnishorn

 

Þar sem Reykjavík-Roadtrip með næturstoppi norðan heiða fer að bresta á, þvottavélar á fullu svo hægt verði að pakka í töskur og öllu því sem fylgir flakkundirbúning...þááá verður nett pása á blogginu.

 

Leyfi að fljóta með hérna svona smááá pínku innliti á baðherbergið. Var búin að segja áður frá makeoverinu sem var framkvæmt hér. Síðan þá er búið að mála og aðeins breyta...

 



 

Eftir miklar pælingar var liturinn antikgulur...já gulur takk fyrir pent, valinn á veggina. Kemur bara ansi vel út og brýtur upp hvítu Bóndasmíðuðu

innréttinguna.

 

 

Meira síðar;)

Sumarfrí með stóru essssiiiiiiiiiiii..........:)

er skollið á:) Svalirnar eru góðar á sólardegi sem þessum og allir íbúar flykkjast út, vantar bara fótboltajuniorinn en hann er í brakandi blíðu í fótboltasælunni í Danaveldi.

 

 

 

 

 

Og já..var ég búin að minnast á að sumarfrí er hafið...:):):)

 

 

Gleðilegt sumar

 





Bóndinn kaupir kertaskraut!

 Í góða veðrinu á Seyðisfirði í gær var kíkt inn í búðina Gullabúið. Þar fann bóndinn...JÁ bóndinn þessa sætu kertaveggstjaka. Er að leita að svona stærri kertalugtarstjökum, ekki fundið og þessir koma bara prýðisvel út þangað til.

 

 

 

 

 

 

 

 Eru þeir ekki bara voða-voða sætir? Svo bjart úti að ég þarf að mynda aftur birtuna þegar dimmir sem kemur frá kertunum, það verður kósý í vetur í myrkrinu hérna með svona kertaljós:)

 

 



Mynstur og smá litir

 

fá að njóta sín á home Office. Ákvað að prufa aðeins að nota Chevron mynstrið sem ég talaði um í gær og finnst það bara svolítið smart og venst, bara mjög einfalt og hægt að hafa í öllum regnbogans litum.



 

 

 

 

 Heimaskrifstofan er enn í mótun og akkúrat núna stödd á mjög "skemmtilegu" tiltektar-ákveða lúkk-flokka pappíra...æi bara hefðbundinn allt á hvolfi herbergi.

 

Þessi sunnudagur var annars dásamlegur (varúð..veðurupplýsingar)! Það var yfir 20 stiga hiti, blanka logn og algjör útlandastemnning. Svo mikil að frúin fékk sér glas af svona á Seyðisfirði.

 

 

Bless í bili:)

 

Flökkuþráin er skollin á!

Juniorinn verður mættur í Leifsstöð snemma á mánudagsmorgun á leið á danskt fótboltamót og þá langar frúnna svo agalega að skella á sig einum flugmiða!

Væri ekki verra að heimsækja aftur yndislega Japan og litla sæta garðinn sem við flakkaramamma fundum mitt í Tókyó og þessu fallegu blóm glöddu augað...jújú..það eru komin ný ferðaplön en þau verða ekki kunngjörð alveg strax;)

Annars flakkar frúin bara um netheima og skoðar ógrynni af heimilisbloggum og sérstaklega þessi amrrísku inn á milli uppáhalds íslensku síðanna.

Mjög svipaður stíll og þemu á mörgum þeirra og sum heimilin svo falleg vá vá. Er svolítið skotin í þessari síðu hérna The House of Smiths. Þetta eru ung amríssk hjón, allt svo voðalega sætt og bjart hjá þeim, man ekki hvort ég hafi áður minnst á þau. Spurning að nota sem innblástur varðandi frekari heimilishönnun hér og bæta við smá litum á móti öllu þessu hvíta.

Þessi er reyndar tekin af www.pinterest.com en svo svipað og hjá þeim Smiths hjónum.

 

Aðeins farin að bæta smá litum við eldhúsið...nýr borðdúkur gerir alveg helling.

 

 

Svo er mynstrið chevron greinilega svolítið vinsælt á þessum amrrísku heimilisbloggum. Mjög basic sikk-sakk mynstur í ýmsum litum en getur poppað rými svolítið upp t.d. sem púðar, áklæði eða í hinum ýmsu formum.

 

 

 

Er ekki alveg búin að ákveða hvort þetta lúkk passi hér inn í Southfork en gæti verið svolítið smart. Ætla aðeins að pæla í þessu og athuga hvort ekki sé hægt að föndra eitthvað smá með þetta mynstur;)

 

 

Alveg að komast í sumarfrí

Skoooo...það er bara þannig að nú þegar er sumar, amk. hér hjá okkur hérna fyrir austan og norður í landi, að þá fer bloggkraftur í smá lægð amk. á þessari síðu. Er líka búin að velta aðeins fyrir mig hvort þetta blogg megi ekki snúa að fleiru en myndum af sætum kertastjökum og dúllerídóti en kannski nennir enginn að skoða neitt annað? Ekki furða enda er það fyrir okkur sem aðhyllast svoleiðis blogg, bara svo yndislega skemmtilegt. Af hverju..jú þá fær maður hugmyndir og gaman að sjá hvað aðrir eru að gera (já það er alltaf gaman að fylgjast með næsta manni).

Hugmyndin með þessu púkabloggi upphaflega var fyrir vini og ættingja að fylgjast með okkur hérna fyrir austan og voru skrifaðir ansi margir (þó ég segi sjálf frá) skemmtilegir pistlar m.a. af nunnum og dularfullum bókabúðum! Það eru nefnilega ýmsir svo skemmtilegir hlutir sem við upplifum hér í "sveitinni" sem ekki hefðu upplifast í borginni.

Frúin er búin að njóta þess vel að fá loksins gott sumar hérna. Við eigum 5 ára búsetuafmæli hér í lok þessa mánaðar og ég get fullyrt að þetta er besta og fyrsta almennilega góða sumarið sem hingað hefur komið þau ár. Í fyrra komu reyndar nokkrir mjög góðir dagar en sumarið núna er frábrugðið að því leyti að það er sól eða heiðskírt flesta daga. Ausfjarðaþokan sem er erkióvinkona mín hefur ákveðið að vera ekki að glenna sig neitt alltof mikið og um leið og hún lætur sig hverfa þá er hér allt annað líf.

Junior er búin að vera á Álftanesinu fagra síðan í júní og mamman alveg orðin pínu viðþolslaus að hafa hann ekki á svæðinu. Jú, jú hann er orðinn stór unglingur en hann er samt lilla beibí, það er bara svoleiðis!:)

Sumarfrí fer að skella á hér á bæ og þá verður unnið í Southfork og farið í roadtrip áleiðis til borgarinnar - mikið verður það ljúft:) Eins og borgarbarninu þykir óendanlega vænt um höfuðstaðinn og stórborgir yfir höfuð, þá eru nú farin að myndast ágætis vinatengsl við fjöllinn hér og "sveitina".

En hvað segið þið...viljið þið eitthvað vita hvað er í gangi hér í Southfork?

Þar sem frúin hefur ekki farið suður síðan í byrjun júní þá hefur ekkert bæst við af smádótaskrautadótarí en bætum bara úr því fljótlega:)

Eenn það er nóg í gangi en ekki hvað. Staðan núna er þannig að bóndinn er búin að brjóta múrinn af neðri hæðinni, orðinn óþarflega illa farinn (s.s. múrinn, ekki bóndinn) sérstaklega bakvið húsið og frúin, já FRÚIN tók upp múrmolana og skellti í kerru...ok fékk smá hjálp í lokin..en þið skiljið;)

Næst á dagskrá er múrvinna þarna útivið og svo vonandi mála neðri hæðina hvíta. Það verður geggjað að losna við þennan tannkrems-Colgate blágræna lit but all in good time:)

Garð - landscaping felst því bara í sætum blómum í körfum og kertaluktum úti. Fyrst þarf að klára múrdótarí og svo næsta sumar er hægt að byrja að hanna þennan svaðalega fótboltavöll sem fylgir þessu húsi:)