Keflavík - Ubud, Bali

 

Ferðlagið til Bali hófst þann 1. maí sl. snemma morguns. Auðvitað þurfti að koma sér í höfuðborgina sólarhring áður og tók því alls fjórar flugferðir til að komast á áfangastað. Elskulega flökkumamma mín sem fór til Bali fyrir 19 árum síðan og er nú vön að taka "flugvallarmyndina" var auðvitað stödd erlendis í þetta skiptið. Á þvælingi um Korsíku og Sardiníu og núna er hún farin til Frakklands á myndlistarnámskeið! Eins og ég sagði við ykkur...það er aldrei of seint að láta draumana rætast sama í hvaða formi þeir eru.

 

Elsku tengdapabbi fékk því hið merkilega hlutverk að smella mynd af mér á uppáhaldsstaðnum mínum Keflavík Airport :) Já undirrituð elskar flugvelli og vil helst vera komin 3 tímum fyrir brottför svo ég hafi nú góðan tíma ;)

 

Yndisleg kona að nafni Þorbjörg hjá Vita sá um að bóka fyrir mig flugið. Ég hefði vel getað gert það sjálf en hún bókaði þá töskurnar fyrir mig alla leið og því fékk ég bara einn "boarding pass" og ekkert vesen :)



 

 

Þetta útsýni er ávallt í miklu uppáhaldi :) Fyrsti leggurinn var Keflavík - Frankfurt.

 

 

 

Ég var ofboðslega þreytt þegar lagt var upp í ferðina. Var búin að vinna alltof langa daga, marga daga í röð fyrir brottför og sömuleiðis langþreytt eftir erfitt ár. Því þáði frúin ekkert nema vatnsglas og náði að sofa aðeins.

 

 

Í Frankfurt var 10 klukkutíma stopp...loveley! Ég var svo heppin að ferðast út til Bali með tveimur yndislegum konum sem voru með mér á Empower women námskeiðinu. Það var því lítið annað í boði en að setjast úti við torg í Frankfurt og fá sér smá hvítvín og eitthvað að borða. Það litla sem ég sá af borginni heillaði mig ekki mjög en þetta var ágætis stoppistöð á næsta áfangastað.

 

 

 

Þá var loks komið að flugferð nr. 2 sem var Frankfurt - Singapore. Við flugum með Singapore Airlines og mæli svo með því flugfélagi. Mjög góð þjónusta, dásamlega góður matur og fór bara vel um mann í rúmlega 12 klukkustunda flugi. Þarna glittir í hana Maríu ferðafélaga en hún færði sig yfir til mín svo við gátum setið saman og fengum sætaröðina útaf fyrir okkur :)

 

 

Smá flugvélaglaðningur frá Givenchy...sokkar og snyrtisett :)

 

 

Já og auðvitað matseðill og val um hvað hentar farþeganum best.

 

 

Nammigott...já frúin er líka með eindæmum hrifin af flugvélamat..sértaklega þegar ferðast er til Asíu :)

 

 

 

Alveg að verða komin til Singapore...12 klukkustunda samfleytt flugi að baki.

 

 

Morgunmatur að sjálfsögðu borinn fram...ekki síðri en kvöldmaturinn. Var ég nokkuð búin að minnast á það hvað mér finnst gaman á flugvöllum, í flugvélum og að borða matinn sem er boðið upp á?

 

  

Halló Singapore

 



 

Á flugvellinum er eitt stk. gróðurhús um víð og dreif. Dásamlega lifandi falleg blóm inni á vellinum. Þar má einnig finna sundlaug á efstu hæðinni fyrir þá sem þurfa að bíða lengur. Stoppið hér var bara rúmar 2 klukkustundir og þreytan aðeins farin að segja til sín.

 

 

 

Þá var það síðasta flugferðin til að komast á áfangastað...Singapore - Denpasar, Bali. Ég var svo heppin í stútfullri vél að fá nóg pláss og félagsskapinn af sjálfri mér í 2,5 flugferð. Það var bara ljómandi gott.

 

 

 

Alveg að verða komin og rúmlega sólarhringsferðalagi og um 20 tímar flugvél að ljúka...það var komið kvöld þegar við lentum á Bali og mér fannst eyjan taka svo glitrandi vel á móti okkur og ljósin öll svo falleg. 

 

 

Falleg smáatriði á herberginu mínu í Honeymoon Guesthouse í Ubud á Bali sem er í tæplega klukkustundar fjarlægð frá flugvellinum.

 

 

 

Fallega hurðin inn á baðherbergi :)

 

 

 

 Ég fór afskaplega þreytt að sofa en þó sérstaklega spennt að vera virkilega komin á leiðarenda. Bali er svo fjarlægur staður frá litla Íslandi en í raun nálægur á sama tíma. Þið þekkið það eflaust sem ferðist á framandi slóðir og komið á staðinn að kvöldi til, hversu spennandi það er að vakna næsta morgun og sjá umhverfið í dagsbirtunni. Það var því dásamlegt að vakna fyrsta morguninn og sjá að ég var sannarlega komin í paradís :)

 

 

Hótelinnlit í Ubud

Ég ætla núna í næstu póstum að breyta aðeins útaf vananum kæru vinir. Í stað þess að birta myndir af framkvæmdum eða myndum af heimilinu hér í Southfork þá ætla ég að deila með ykkur ferðalaginu mínu til Bali.

Í þessu bloggi hef ég skrifað minna og birt meira af myndum enda veit ég að myndir segja gjarnan meira en mörg orð. Sjálf notast frúin við sína eigin Facebook síðu til að skrifa einstaka sinnum persónulegri pistla og deili þar ýmsu með vinum og vandamönnum. Með því móti hef ég farið út fyrir þægindarammann og deilt opinberlega mjög erfiðri líðan eftir hræðilegan missi sem ég hef lítið tjá mig um á þessum vettvangi. Viðbrögðin, stuðningurinn og hvatninginn við því hefur gert það að verkum að ég skrifa reglulega pistla...ekki flókna..bara örfáar línur um mikilvægi þess að við minnum okkur á að lífið er hverfult, það er stutt og hversu miklu máli það skiptir að við nýtum þetta líf okkar eins vel og við getum og gefum eitthvað af okkur í leiðinni.

Við þurfum nefnilega að gefa af okkur til að geta þegið gjafir tilbaka :)

 

Þá er spurning hvort púkabloggið megi ekki þróast aðeins samhliða því og fá líka inn nokkra pistla í þeim anda en ekki eingöngu myndir þó þær fylgi auðvitað með...þið kannski hugsið málið með mér?

 

Að þessu ofansögðu og með þetta allt í huga að lifa lífinu tvöfalt, nýta tækifærin sem berast og sitja aldrei uppi með eftirsjá framar ákvað ég að stökkva til! Ég stökk til og með stuttum fyrirvara skráði ég mig á Empower Women námskeið hjá Ósk og Sigrúnu Lilju. Námskeiðið var þó búið að kalla á mig síðan í haust og eins og mamma segir þá koma hlutirnir til okkar þegar við erum tilbúin til þess að taka á móti. Þær stöllur eru með síðu á Facebook og tækniklára ég hlýt að geta sett hér inn hlekk við tækifæri.

 

Námskeiðið sem varði í rúma viku og fór fram í hinni dulmögnuðu Ubud borg á Bali var fyrir mér síðbúin sorgarúrvinnsla og hvíld eftir erfitt ár. Námskeiðið fólst í því að læra að elska hvern? Jú sjálfan sig auðvitað! Við erum nefnilega ansi mörg þarna úti sem elskum allt og alla og sitjum svo á hakanum, lang aftast í röðinni á eftir húsverkum og vinnu. Við pössum upp á það að fara með bílinn okkar í skoðun en hversu oft sinnum við sjálfsskoðun og fáum nýjan límmiða þess efnis það sé búið að uppfæra okkur?

 

Ég dvaldi í 2 vikur á Bali og var tímanum skipt á milli námskeiðs en seinni hluti ferðar var notaður til að skoða mig um, dvelja á Róbinson Krúsó eyju sem kallast Gili Air og njóta, njóta og njóóóta :)

 

Meira um það síðar.



 

Einn daginn eftir hugleiðslu og jóga sem hófst alla morgna kl. 6 var farið í gönguferð. Í 10 mínútna fjarlægð frá lífinu í Ubud blasa við hrísgrjónaakrar, "sveit" og dásamlegt umhverfi. Í þessari gönguferð var ég svo heppin að fá að skoða nýtt og fallegt hótel þar sem litadýrðin og falleg hönnun var allsráðandi. Heimasíða hótelsins er hér.

 

 

Hér má sjá öðruvísi bekk.

 



 

 

 

Það væri nú ekki slæmt að vakna upp alla morgna við svona útsýni

 

 

 

 

 

 

 

Maður verður óskaplega auðmjúkur í svona fallegu umhverfi eins og Bali státar af, annað er ekki hægt.

 

 

 



Við erum aldrei of ung né gömul til að láta drauma okkar rætast. Draumar eru nefnilega markmið með dagsetningu. Látið draumana ykkar verða að veruleika, hugsið um þá, skrifið þá niður og vitið hvað? Þeir koma til ykkar og einn daginn gætuð þið mögulega vaknað á Bali :)

 



Gleðilegan laugardag :)

Gleðilegan laugardag elsku púkavinir.

Ungfrúin góða hefur verið fjarri góðu blogggamni að undanförnu vegna dásemdarferðar til Bali! Já þið heyrðuð rétt, ég fór til ægifögru eyjunnar Bali í Indonesíu og dvaldi þar í 2 vikur. Bali sem er þrjár flugferðir í burtu frá landinu og flugtími um 19 klukkustundir :)

Bali hefur lengi verið á óskalistanum mínum og ekki síst af því hún elskulega mamma mín fór þangað fyrir 19 árum síðan. Þá byrjaði hún að flakka um heiminn og hefur ekki hætt. Ferðabakterían er svo smituð yfir á undirritaða og hlakka til að geta haldið áfram einhvers konar flakki næstu áratugina:)

Mig langar að deila þessari upplifun með ykkur en það verður aldrei gert í einum pósti því mynd- og söguefnið er svo mikið. Þetta er því allt í vinnslu en þangað til þarf aðeins að byrja að breyta og skreyta hér heima enda alltaf nóg að gera.

 

 

 

 Eigið dásemdar hvítasunnuhelgi kæru vinir. Skemmtið ykkur yfir júróvisjón eins og ég mun gera enda hin besta skemmtun:)

Risaknús elsku þið og takk fyrir innlitið.